Athugið: Þessi frétt er meira en 5 ára gömul.
17. maí 2019 /
Umhverfis-٫ orku- og loftslagsráðuneytið

Vel sótt ráðstefna Loftslagsráðs um aðlögun að loftslagsbreytingum

Ráðstefna Loftslagsráðs um aðlögun að loftslagsbreytingum var vel sótt.
Ráðstefna Loftslagsráðs um aðlögun að loftslagsbreytingum var vel sótt.

Bekkurinn var þétt setinn á ráðstefnu Loftslagsráðs í gær um aðlögun að loftslagsbreytingum, en yfirskrift ráðstefnunnar var „Erum við viðbúin?“ Ráðstefnunni var streymt beint og eru erindin nú aðgengileg hér á vef Stjórnarráðsins.

Markmið ráðstefnunnar var að kalla fram viðbrögð við fyrirsjáanlegum afleiðingum loftslagsbreytinga í þeim tilgangi að auka hæfni samfélagsins til að takast á við þær. Meðal annars var farið yfir hvaða breytingar á náttúru og veðurfari munu hafa mestar afleiðingar hér á landi og nauðsyn þess að gera áætlun um aðgerðir til að aðlagast væntanlegum breytingum. Rætt var um hvernig gera þurfi ráð fyrir loftslagsbreytingum í skipulagi og hvernig sveitarstjórnir hafa brugðist við. Þá var fjallað um áhrif loftslagsbreytinga á vegi og brýr, nýtingu virkjana, fráveitur og tryggingamál.

Sköpuðust líflegar umræður um erindi fyrirlesara og umfjöllunarefni ráðstefnunnar. Yfir 2000 manns fylgdust með streymi frá ráðstefnunni á einhverjum tímapunkti. 

Eftir hádegi var efnt til vinnustofu fagaðila þar sem farið var dýpra í brýnustu verkefni og hindranir við gerð aðgerðaáætlunar vegna aðlögunar að loftslagsbreytingum.

Upptökur frá ráðstefnunni má nálgast hér að neðan.

Erum við viðbúin? - Aðlögun Íslands að loftslagsbreytingum - Dagskrá og upptökur

Ávarp Guðmundar Ingi Guðbrandssonar, umhverfis- og auðlindaráðherra

 

Afleiðingar loftslagsbreytinga á Íslandi – Halldór Björnsson, formaður vísindanefndar um loftslagsbreytingar.  Glærur

 

Lessons from national approaches to climate change adaptation – Nicolina Lamhauge, OECD  Glærur

 

Næsta skref: Aðlögunaráætlun – Árni Snorrason, forstjóri Veðurstofu Íslands  Glærur

 

Aðlögun vegna loftslagsbreytinga í skipulagi byggðar – Ásdís Hlökk Theodórsdóttir, forstjóri Skipulagsstofnunar Glærur

 

Aðlögun sveitarfélaga að loftslagsmálum – Hrönn Hrafnsdóttir, sérfræðingur á umhverfis- og skipulagssviði Reykjavíkurborgar + umræður   Glærur 

 

Áhrif loftslagsbreytinga á vegi og brýr- Guðmundur Valur Guðmundsson, forstöðumaður hönnunardeildar, Vegagerðin  Glærur

 

Áhrif loftslagsbreytinga á rennsli og nýtingu virkjana Landsvirkjunar – Andri Gunnarsson, verkefnastjóri vatnafars, Landsvirkjun  Glærur

 

Áskoranir fráveitu vegna aðlögunar að loftslagsbreytingum – Fjóla Jóhannesdóttir, fagstjóri fráveitu, Veitum  Glærur

 

Vátryggingar og loftslagsbreytingar – Jón Örvar Bjarnason, sérfræðingur í tjóna og áhættumati, Náttúruhamfaratrygging Íslands + umræður  Glærur


Var efnið hjálplegt?