Efnisorð
Tegund

Leita eftir efnisorðum

Sýnir 751–800 af 1496
Raða eftir:
18. feb. 2022Atvinnuvegaráðuneytið, Ferðaþjónusta, Atvinnuvegir

Stutt við samstarfsvettvang sveitarfélaga og atvinnulífs um áfangastaðinn höfuðborgarsvæðið

Lilja Dögg Alfreðsdóttir ferðamálaráðherra og Páll Björgvin Guðmundsson framkvæmdastjóri Samtaka sveitarfélaga á höfuðborgarsvæðinu hafa undirritað samning um stofnun samstarfsvettvangs sveitarfélaga og atvinnulífsins um áfangastaðinn höfuðborgarsvæðið. Samningurinn byggir á Framtíðarsýn og leiðarljósi íslenskrar ferðaþjónustu til 2030 sem unnin var í samvinnu ríkis, sveitarfélaga og greinarinnar.

10. feb. 2022Neytendamál, Framkvæmd búvörusamninga, Landbúnaður, Covid-19, Atvinnuvegir, Atvinnuvegaráðuneytið

Stuðningur við bændur vegna hækkunar áburðaverðs greiddur um næstu mánaðamót

Matvælaráðuneytið hefur tekið ákvörðun um ráðstöfun 700 m. kr. framlags í fjárlögum 2022 til að koma til móts við aukinn kostnað vegna áburðarkaupa. Gert er ráð fyrir að verja 650 m. kr. í beinan stuðning við bændur og 50 m. kr. í sérstakt átak um bætta nýtingu áburðar og leiðir til að draga úr notkun hans sem Ráðgjafamiðstöð landbúnaðarins (RML) verður falið að framkvæma samkvæmt sérstökum samningi þess efnis.

04. feb. 2022Covid-19, Ferðaþjónusta, Atvinnuvegaráðuneytið, Atvinnuvegir

550 milljónir í markaðsverkefni fyrir ferðaþjónustuna: Styrkir ímynd og eykur eftirspurn til Íslands

Lilja Dögg Alfreðsdóttir, ferðamálaráðherra, og Pétur Þ. Óskarsson, framkvæmdastjóri Íslandsstofu, hafa undirritað samning um framhald „Ísland saman í sókn“ sem er markaðsverkefni fyrir íslenska ferðaþjónustu. Verkefnið er hluti af viðspyrnu stjórnvalda vegna COVID-19 heimsfaraldursins. Með samningnum eru verkefninu tryggðar 550 milljónir króna í viðbótarfjármagn sem nýttar verða til að framlengja markaðsverkefnið í ár.

01. feb. 2022Vísindi nýsköpun og rannsóknir, Fiskeldi, Framkvæmd búvörusamninga, Landbúnaður, Landgræðsla og skógrækt, Nýsköpun, Sjávarútvegur, Atvinnuvegir, Menningar-٫ nýsköpunar- og háskólaráðuneytið, Atvinnuvegaráðuneytið

Nýtt matvælaráðuneyti tekur til starfa: Skipum okkur í fremstu röð í framleiðslu hágæða matvæla

„Í matvælaráðuneytinu horfum við til þess að Ísland verði í fremstu röð á heimsvísu í framleiðslu hágæða matvæla. Við leggjum áherslu á ábyrga umgengni við náttúru og sjálfbæra nýtingu auðlinda, öfluga nýsköpun og vöruþróun í hæsta gæðaflokki,“ segir í stefnumiði nýs Matvælaráðuneytis sem tekur til starfa í dag 1. febrúar 2022. Svandís Svavarsdóttir er matvælaráðherra.

28. jan. 2022Menningarmál, Neytendamál, Ferðaþjónusta, Atvinnuvegir, Atvinnuvegaráðuneytið

500 gestir í hverju hólfi á sitjandi viðburðum

„Það er að rofa til, við göngum af stað í afléttingarnar með skipulögðum hætti og nú geta viðburðir farið aftur af stað með 500 gestum í sóttvarnarhólfi. Þetta skiptir sköpum fyrir íslenskt menningarlíf. Það er einnig mikilvægt að hafa rýmkað til fyrir veitingastaði, skemmtistaði og krár,“ segir Lilja Dögg Alfreðsdóttir, ferðamála-, menningar- og viðskiptaráðherra.

27. jan. 2022Utanríkisráðuneytið, Atvinnuvegir, Menningarmál, Norrænt samstarf, Nýsköpun, Sendiráð Íslands í Ottawa, Menningar-٫ nýsköpunar- og háskólaráðuneytið

Menningarátakið Nordic Bridges hefst í dag

„Loksins getum við hleypt Nordic Bridges af stokkunum í Kanada! Það er afar gleðilegt og dagskrá Nordic Bridges er metnaðarfull, fjölbreytt og fræðandi. Með verkefnum eins og þessum minnum við á norræna samtímamenningu og byggjum brýr og styrkjum tengslin. Ég hlakka til að fylgjast með hátíðinni,“ segir Lilja Dögg Alfreðsdóttir, ferðamála-, menningar- og viðskiptaráðherra.

27. jan. 2022Covid-19, Ferðaþjónusta, Atvinnuvegir, Atvinnuvegaráðuneytið

Ávarpa fyrst á íslensku

„Ég var sérstaklega glöð að heyra að Icelandair mun áfram bjóða okkur velkomin heim á íslensku og að ávarp áhafnar verður alltaf fyrst á íslensku. Þetta skiptir sköpum við að hjálpa okkur að standa vörð um íslenskuna. Við vitum líka að íslensk tunga, menning, tónlist og kvikmyndir eru framúrskarandi landkynning fyrir okkur ekki síður en náttúran og hefur umtalsvert aðdráttarafl. Að ávarpa farþega á íslensku fyrst styrkir þá tengingu“ segir Lilja Dögg.

25. jan. 2022Atvinnuvegir, Menningarmál, Covid-19, Menningar-٫ nýsköpunar- og háskólaráðuneytið

450 milljónir í viðspyrnuaðgerðir til tónlistar og sviðslista

„Það er nauðsynlegt að grípa til aðgerða sem miða að því að efla slagkraft tónlistar og sviðslistageiranna til framtíðar. Við veljum að fara þá leið að styrkja þá sjóði og samtök sem báðar greinarnar hafa aðgengi að og ná þannig til sem flestra. Við einsettum okkur að standa með menningunni í gegnum heimsfaraldurinn og eru þessar aðgerðir liður í því,“ segir Lilja Dögg Alfreðsdóttir menningarmálaráðherra.

20. jan. 2022Menningarmál, Evrópusamvinna, Atvinnuvegir, Menningar-٫ nýsköpunar- og háskólaráðuneytið

Lilja Dögg ávarpaði höfundarréttarráð

Aðalefni fundar höfundaréttarráðs að þessu sinni var kynning á tilskipun ESB 2019/790 um höfundarétt og skyld réttindi á stafræna innri markaðnum sem oftast er nefnd DSM tilskipunin. „Innleiðing DSM tilskipunar í íslenskan rétt mun hafa mikilvæg áhrif á hvernig höfundaréttar er höndlaður í netheimi og einnig hafa áhrif á samninga höfunda og listflytjenda um not verka og listflutnings, hvort sem er á netinu eða annars staðar. Þetta eru atriði sem eru hugleikin öllum sem höndla með verk sem háð eru höfundarétti sem og listflutning,“ sagði Lilja.

17. jan. 2022Atvinnuvegaráðuneytið, Framkvæmd búvörusamninga, Landbúnaður, Atvinnuvegir

Fundu verndandi arfgerð gegn riðuveiki í íslensku sauðfé

Hin klassíska verndandi arfgerð gegn riðuveiki í sauðfé, ARR, hefur nú fundist í fyrsta sinn í íslenskri kind. Þetta er stórmerkur fundur, því hér er um að ræða arfgerð sem er alþjóðlega viðurkennd sem verndandi og unnið hefur verið með í löndum Evrópusambandsins við útrýmingu riðu með góðum árangri. Arfgerðin hefur aldrei áður fundist í sauðfé hérlendis þrátt fyrir víðtæka leit. Þessi fundur gefur miklar vonir um að fé með ARR arfgerðina geti fundist víðar á landinu.

15. jan. 2022Atvinnuvegir, Menningarmál, Menningar-٫ nýsköpunar- og háskólaráðuneytið

Úthlutun listamannalauna árið 2022

„Á Íslandi starfar átta prósent vinnuafls við skapandi greinar. Starfslaun skipta sköpun, þau efla listsköpun, styðja við frumsköpun og listin endurspeglar tíðarandann hverju sinni. Þessi hækkun er ekki síður mikilvæg vegna þeirra fordæmalausu tíma sem menningarlífið hefur staðið frammi fyrir. Við vitum vel að styrkir til menningarmála skila sér margfalt aftur inn í hagkerfið og ég tel að það sé mikilvægt að við hækkum listamannalaun áfram í skrefum,“ segir Lilja Dögg Alfreðsdóttir, menningarmálaráðherra.

13. jan. 2022Atvinnuvegir, Menningarmál, Menningar-٫ nýsköpunar- og háskólaráðuneytið

Lilja við danska ríkisútvarpið: „Vil fá fleiri handrit til Íslands“

Það er nauðsynlegt að Íslendingar fái til sín fleiri handrit frá Danmörku, hinn íslenska fjársjóð, sagði Lilja Dögg Alfreðsdóttir, menningarmálaráðherra, í viðtali við danska ríkisútvarpið, en þar ræddi hún um mikilvægi þess að auka veg og virðingu menningararfsins, að sýna handritin, ræða þau og rannsaka. Um 700 handrit eru í vörslu á söfnum í Danmörku, en sáttmáli var gerður um vörslu þeirra árið 1965 milli Íslands og Danmerkur.

12. jan. 2022Covid-19, Ferðaþjónusta, Atvinnuvegir, Atvinnuvegaráðuneytið

Endurreisn ferðaþjónustunnar lykill að endurreisn efnahagslífsins og bættra lífskjara

„Það sem er efst í huga mér, og eflaust okkar allra, við þessi áramót er endurreisn ferðaþjónustunnar eftir þann mikla samdrátt sem hefur átt sér stað í kjölfar COVID-19 faraldursins. Endurreisn ferðaþjónustunnar er lykilinn að endurreisn íslensks efnahagslífs og bættra lífskjara hér á landi,“ sagði Lilja Dögg Alfreðsdóttir, ferðamálaráðherra, í opnunarávarpi sínu á Nýjársmálstofu Samtaka ferðaþjónustunnar, Íslenska ferðaklasans og KPMG. Málstofan bar yfirskriftina Ferðaþjónusta nýrra tíma og var markmið hennar að velta upp helstu áskorunum og tækifærum ferðaþjónustunnar.

06. jan. 2022Neytendamál, Atvinnuvegir, Atvinnuvegaráðuneytið

Neytendasamtökin gegna mikilvægu hlutverki

„Með þjónustusamningi er Neytendasamtökunum gert kleift að halda úti öflugri þjónustu á þessu sviði og stuðla að aukinni neytendavitund. Í samræmi við áherslur í stjórnarsáttmála ríkisstjórnarinnar er til frekari skoðunar hvernig unnt sé að efla starfsemi Neytendasamtakanna enn frekar og styrkja þannig þennan málaflokk,“ segir Lilja Dögg Alfreðsdóttir, ferðamála-, viðskipta- og menningarmálaráðherra.

06. jan. 2022Atvinnuvegaráðuneytið, Framkvæmd búvörusamninga, Landbúnaður, Atvinnuvegir

Staðfesting lokauppgjörs í garðyrkju fyrir árið 2021

Atvinnuvega- og nýsköpunarráðuneytið vekur athygli framleiðenda í garðyrkju á að hver framleiðandi sem hlotið hefur beingreiðslur á árinu 2021 skal skila ráðuneytinu heildaruppgjöri fyrir árið. Uppgjörið skal senda rafrænt til ráðuneytisins og skal það vera staðfest af löggiltum endurskoðanda í samræmi við 21. gr. reglugerðar um stuðning við garðyrkju nr. 1273/2020. Uppgjörinu skal skila til ráðuneytisins fyrir 15. febrúar 2021. ​

06. jan. 2022Atvinnuvegir, Framkvæmd búvörusamninga, Landbúnaður, Atvinnuvegaráðuneytið

Jarðræktarstyrkir, landgreiðslur og tjónabætur greiddar út

Atvinnuvega- og nýsköpunarráðuneytið hefur afgreitt jarðræktarstyrki, landgreiðslur og tjónabætur vegna tjóns af völdum álfta og gæsa á ræktunarlandi bænda vegna ársins 2021. Styrkir vegna jarðræktar nema alls 379.624.751 kr. skv. fjárlögum ársins 2021 og 377.624.620 í landgreiðslustyrki, sem gera alls 757.249.371 kr.

04. jan. 2022Covid-19, Ferðaþjónusta, Atvinnuvegir, Atvinnuvegaráðuneytið

Staða íslenskrar ferðaþjónustu þokkaleg í árslok 2021: Viðspyrnuaðgerðir nema 31 ma. kr. og hafa skipt sköpum

Heimsfaraldurinn COVID-19 hefur enn mikil áhrif á íslenska ferðaþjónustu og hefur KPMG unnið fjárhagsgreiningu á áætlaðri stöðu íslenskrar ferðaþjónustu í árslok 2021. Greiningin er unnin í samstarfi við Ferðamálastofu og að ósk atvinnuvega- og nýsköpunarráðuneytisins en ráðuneytið óskaði eftir greiningu á stöðunni við árslok.

30. des. 2021Atvinnuvegir, Menningarmál, Menningar-٫ nýsköpunar- og háskólaráðuneytið

Listasjóðir hækka árið 2022 - menning vex!

Framlög til verkefnasjóða og styrkja á sviði menningar, að meðtöldum launasjóðum listamanna, munu nema um 3,2 milljörðum króna á fjárlögum næsta árs. Til samanburðar námu framlög til þeirra um 1,9 milljarði árið 2017. Nemur hækkunin um 72%. Fóru framlögin mest í 3,9 milljarða árið 2020 vegna tímabundins framlags í máltækniverkefni fyrir íslensku í stafrænum heimi sem áætlað er að klárist á næsta ári.

29. des. 2021Fiskeldi, Framkvæmd búvörusamninga, Landbúnaður, Landgræðsla og skógrækt, Loftslagsmál, Nýsköpun, Sjávarútvegur, Matvælasjóður, Atvinnuvegir, Menningar-٫ nýsköpunar- og háskólaráðuneytið

Loftslagsmál og aukin fjölbreytileiki í matvælaframleiðslu áherslumál í fjárlagafrumvarpi

Fjárlög á málefnasviði sjávarútvegs- og landbúnaðarráðherra fyrir árið 2022 endurspegla áherslur í loftslagsmálum og auknu matvælaöryggi, auknu frelsi til fjölbreyttari matvælaframleiðslu og verðmætasköpunar sem og hvötum til nýsköpunar. Þá er lögð áhersla á að einfalda stjórnsýslu enn frekar og auka stafræn samskipti og að halda áfram að þróa Matvælasjóð sem styrkir nýsköpunar- og þróunarverkefni á sviði matvælaframleiðslu.

22. des. 2021Covid-19, Ferðaþjónusta, Atvinnuvegir, Atvinnuvegaráðuneytið

Tillögur ráðgjafa um þróun ferðamannastaða: Mikilvægast að hlúa að sérstöðu þeirra

Atvinnuvega- og nýsköpunarráðuneytið hefur nú birt niðurstöður og tillögur franskra ráðgjafa sem heimsóttu Jökulsárlón, Gullfoss, Geysi og Þingvelli í haust í tengslum við Vörðu, verkefni um heildstæða stjórnun áfangastaða. Meðal þess sem ráðgjafarnir leggja til er að hlúa að sérstöðu og staðaranda hvers áfangastaðar, hafa innviði lágstemmda og huga að miðlun menningararfs. ​

21. des. 2021Líf og heilsa, Ferðaþjónusta, Leit og björgun, Löggæsla, Atvinnuvegir, Atvinnuvegaráðuneytið

Lilja Dögg skipar verkefnastjórn um úrbætur í öryggismálum ferðaþjónustunnar

Lilja Dögg Alfreðsdóttir, ferðamála-, viðskipta- og menningarmálaráðherra hefur ákveðið að skipa verkefnastjórn til að móta tillögur um úrbætur í öryggismálum tengdri ferðaþjónustunni. Fyrirhugað er að í verkefnisstjórninni sitji fulltrúar frá atvinnuvega- og nýsköpunarráðuneytinu, sem stýri starfi hópsins, dómsmálaráðuneytinu, Ferðamálastofu, Ríkislögreglustjóra, Samtökum ferðaþjónustunnar, Slysavarnafélaginu Landsbjörg og Umhverfisstofnun.

21. des. 2021Upplýsingatæknimál ríkisins, Framkvæmd búvörusamninga, Landbúnaður, Nýsköpun, Atvinnuvegir, Menningar-٫ nýsköpunar- og háskólaráðuneytið

Afurð tengist stafrænu pósthólfi

Nú hefur Afurð, greiðslukerfi landbúnaðarins, tengst stafrænu pósthólfi í miðlægri þjónustugátt stjórnvalda á Ísland.is. Með þessari breytingu á atvinnuvega- og nýsköpunarráðuneytið nú í skriflegum samskiptum við bændur í gegnum stafrænt pósthólf en þannig er hægt að senda viðskiptavinum ráðuneytisins bréf sem annars þyrfti að senda með ábyrgðarpósti. Atvinnuvega- og nýsköpunarráðuneytið er fyrsta ráðuneytið sem innleiðir þessa lausn, það er stafræna pósthólfið, í samskiptum við almenning.

20. des. 2021Atvinnuvegir, Menningarmál, Menningar-٫ nýsköpunar- og háskólaráðuneytið

32 söfn fá styrk úr safnasjóði

Alls fá 32 söfn styrkveitingu úr safnasjóði í auka úthlutun sjóðsins í ár að heildarupphæð 17.390.000 kr. Tuttugu og þrjú verkefni fá styrk til stafrænna kynningarmála og 35 styrkir fara til símenntunarverkefnasafna og starfsmanna þeirra. Lilja Alfreðsdóttir, ferðamála-, viðskipta og menningarmálaráðherra, hefur staðfest úthlutun sjóðsins.

10. des. 2021Atvinnuvegir, Vísindi nýsköpun og rannsóknir, Nýsköpun, Menningar-٫ nýsköpunar- og háskólaráðuneytið

Stærsta úthlutun Tækniþróunarsjóðs: Rúmir 3 milljarðar kr. til 146 verkefna

Tilkynnt hefur verið um þau 63 verkefni sem hljóta styrki í síðari úthlutun Tækniþróunarsjóðs árið 2021. Sjóðurinn er opinber samkeppnissjóður sem styður við rannsóknir og nýsköpun sem leiða til ávinnings fyrir íslensk atvinnulíf. Úthlutun þessa árs er sú langstærsta í sögu sjóðsins, alls er samið um styrki til 146 verkefna og nema þeir styrkir um 3,1 milljarði kr. Aukinheldur styrkir sjóðurinn íslenska þátttakendur í sex alþjóðlegum verkefnum og nemur heildarfjárhæð styrkja Tækniþróunarsjóðs því rúmlega 3,3 milljörðum kr. í ár.