Stjórnarráðið | Eftir Tögum

Leita eftir efnisorðum

Sýnir 1701–1750 af 2063

Raða eftir:

Dagsetningu

Mikilvægi

24. jan. 2018Heilbrigðisráðuneytið, Mannréttindi og jafnrétti, Líf og heilsa

Mikilvæg skref í jafnréttisbaráttu

Svandís Svavarsdóttir heilbrigðisráðherra fjallar um jafnréttismál í grein í Morgunblaðinu í dag. „Það er óskandi að áhrif #metoo-byltingarinnar verði til þess að það takist að uppræta kynferðislega áreitni, ofbeldi og mismunun í samfélaginu“ skrifar heilbrigðisráðherra meðal annars í grein sinni.

18. jan. 2018Heilbrigðisráðuneytið, Líf og heilsa

Stefnt að opnun neyslurýma fyrir vímuefnaneytendur

Heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar.

18. jan. 2018Heilbrigðisráðuneytið, Heilbrigðismál, Líf og heilsa

Landspítalinn er bakhjarl heilbrigðisþjónustunnar

Svandís Svavarsdóttir heilbrigðisráðherra fjallar um hlutverk Landspítalans í grein í Fréttablaðinu í dag sem bakhjarl heilbrigðisþjónustu um land allt: „Gott samfélag þarf gott heilbrigðiskerfi og gott heilbrigðiskerfi þarf sterkt móðursjúkrahús. Landspítalinn er slík stofnun“ skrifar heilbrigðisráðherra meðal annars í grein sinni.

16. jan. 2018Heilbrigðisráðuneytið, Líf og heilsa

Heilbrigðisstofnanir heimsóttar

Svandís Svavarsdóttir heilbrigðisráðherra heimsótti í liðinni viku Heilbrigðisstofnun Suðurlands og Heilbrigðisstofnun Suðurnesja, ræddi við stjórnendur og annað starfsfólk og kynnti sér starfsemi stofnananna. Á morgun fer hún um Norðurland og heimsækir heilbrigðisstofnanir þar.

15. jan. 2018Heilbrigðisráðuneytið, Heilbrigðismál, Líf og heilsa

Fjölgun sálfræðinga í almenna heilbrigðiskerfinu

Svandís Svavarsdóttir heilbrigðisráðherra fjallar um fjölgun sálfræðinga í almenna heilbrigðiskerfinu í blaðagrein í Morgunblaðinu í dag og eflingu geðheilbrigðisþjónustunnar. Hún segir skýrt ákall í samfélaginu um að þjónusta sálfræðinga verði hluti af hinu almenna opinbera heilbrigðiskerfi.

11. jan. 2018Heilbrigðisráðuneytið, Almannatryggingar og lífeyrir, Líf og heilsa

Fjallað um lækkun tannlæknakostnaðar lífeyrisþega

Heilbrigðisráðherra hefur ákveðið að skipa starfshóp til að fjalla um aukna greiðsluþátttöku ríkisins í tannlækningum lífeyrisþega. Hálfur milljarður króna er til ráðstöfunar í þessu skyni samkvæmt fjárlögum 2018.

10. jan. 2018Heilbrigðisráðuneytið, Líf og heilsa

Birgir Jakobsson verður aðstoðarmaður heilbrigðisráðherra

Svandís Svavarsdóttir heilbrigðisráðherra hefur ráðið Birgi Jakobsson aðstoðarmann sinn í velferðarráðuneytinu. Birgir tekur til starfa 1. apríl næstkomandi þegar hann lætur af embætti landlæknis.

09. jan. 2018Heilbrigðisráðuneytið, Lyfjamál, Líf og heilsa

Ný reglugerð um lyfjaávísanir og afhendingu lyfja

Heilbrigðisráðherra hefur sett nýja reglugerð um lyfjaávísanir og afhendingu lyfja. Með henni er lögð áhersla á rafrænt umhverfi lyfjaávísana. Meðal nýmæla er ákvæði um hertar reglur um ávísanir til að sporna við misnotkun tiltekinna ávanabindandi lyfja. Reglugerðin tekur gildi 3. apríl.

08. jan. 2018Heilbrigðisráðuneytið, Heilbrigðismál, Líf og heilsa

Umsækjendur um Embætti landlæknis

Sex sóttu um Embætti landlæknis sem auglýst var laust til umsóknar á liðnu ári. Umsóknarfrestur rann út 4. janúar síðastliðinn.

05. jan. 2018Heilbrigðisráðuneytið, Heilbrigðismál, Líf og heilsa

Heimsókn heilbrigðisráðherra á Landspítala

Svandís Svavarsdóttir heilbrigðisráðherra kynnti sér ýmsa þætti í starfsemi Landspítalans þegar hún heimsótti sjúkrahúsið í gær, auk þess sem hún átti fund með framkvæmdastjórn sjúkrahússins.

05. jan. 2018Heilbrigðisráðuneytið, Heilbrigðismál, Líf og heilsa

Skýr heilbrigðisstefna með jöfnuð að leiðarljósi

Svandís Svavarsdóttir heilbrigðisráðherra segir eitt mikilvægasta verkefnið framundan að móta skýra og markvissa heilbrigðisstefnu sem verði hluti af samfélagssáttmála og snúist um jafnt aðgengi að heilbrigðisþjónustu, óháð efnahag eða búsetu fólks og tryggi skynsamlega nýtingu almannfjár. Slík stefna þurfi jafnframt að lifa af kosningar og breytingar á landsstjórninni.

03. jan. 2018Heilbrigðisráðuneytið, Heilbrigðismál, Líf og heilsa

Gjaldfrjálsar tannlækningar barna komnar að fullu til framkvæmda

Öll börn með skráðan heimilistannlækni eiga nú rétt á gjaldfrjálsum tannlækningum samkvæmt samningi þar að lútandi. Gjaldfrjálsar tannlækningar barna hafa verið innleiddar í áföngum og lauk inneiðingunni 1. janúar sl. þegar börn yngri en þriggja ára öðluðust rétt samkvæmt samningnum.

03. jan. 2018Heilbrigðisráðuneytið, Líf og heilsa

Eflum geðheilbrigðisþjónustuna

Svandís Svavarsdóttir heilbrigðisráðherra skrifar um áherslur sínar í geðheilbrigðismálum í grein sem birtist í Fréttablaðinu í gær. Hún segir meginmarkmiðið sem hún muni hafa að leiðarljósi verði að tryggja öllum jafnan aðgang að heilbriðgisþjónustu, óháð efnahag og búsetu.

27. des. 2017Félags- og húsnæðismálaráðuneytið, Málefni eldra fólks, Líf og heilsa

Upplýsingar um biðtíma eftir hjúkrunarrými

Biðtími fólks eftir búsetu á hjúkrunarheimili hefur lengst á undanförnum árum. Um 30% karla bíða að jafnaði lengur en 90 daga eftir hjúkrunarrými og um 40% kvenna þurfa að bíða 90 daga eða lengur. Embætti landlæknis birtir upplýsingar um bið eftir hjúkrunarrými í nýjum Talnabrunni.

22. des. 2017Heilbrigðisráðuneytið, Heilbrigðismál, Líf og heilsa

Framlög til heilbrigðisstofnana á landsbyggðinni aukin um 450 m.kr.

Ákveðið hefur verið að auka framlög til heilbrigðisstofnana á landsbyggðinni sem nemur 450 milljónum króna umfram það sem áður var gert ráð fyrir í fyrir í fjárlagafrumvarpinu. Meiri hluti fjárlaganefndar hefur lagt fram tillögu þessa efnis og er hún til umfjöllunar við aðra umræðu um fjárlög næsta árs sem nú stendur yfir á Alþingi.

22. des. 2017Heilbrigðisráðuneytið, Líf og heilsa

Heilbrigðisráðherra brýnir stjórnendur í baráttu gegn kynbundnu ofbeldi og áreitni

Svandís Svavarsdóttir heilbrigðisráðherra hefur sent stjórnendum allra stofnana sem heyra undir embætti hennar bréf þar sem hún brýnir þá til að fylgja fast eftir lögum um jafnrétti kynjanna og vinna markvisst að því að uppræta kynbundið ofbeldi og kynferðislega áreitni.

21. des. 2017Heilbrigðisráðuneytið, Heilbrigðismál, Líf og heilsa

Fjárlagafrumvarpið: Aukin framlög til heilbrigðisstofnana um allt land

Framlög til heilbrigðisstofnana í heilbrigðisumdæmum landsins verða aukin um 6,8% á næsta ári. Heildaraukningin nemur tæpum 1,5 milljarði króna.

20. des. 2017Líf og heilsa, Heilbrigðismál, Heilbrigðisráðuneytið

Fjárlagafrumvarpið: Aukin framlög til heilbrigðismála

Framlög til heilbrigðismála verða aukin um 21,5 milljarð króna samkvæmt fjárlagafrumvarpinu. Sjúkrahúsþjónustan verður styrkt, geðheilbrigðisþjónusta sömuleiðis, þverfaglegt starf í heilsugæslu verður eflt og áhersla er lögð á að bregðast við útskriftarvanda Landspítalans.

15. des. 2017Heilbrigðisráðuneytið, Líf og heilsa

Umsóknarfrestur um embætti landlæknis framlengdur til 4. janúar

Heilbrigðisráðherra hefur ákveðið að framlengja umsóknarfrest um embætti landlæknis sem að óbreyttu hefði runnið út 20. desember, til 4. janúar næstkomandi. Embættið var auglýst laust til umsóknar 10. nóvember síðastliðinn.

13. des. 2017Heilbrigðisráðuneytið, Mannréttindi og jafnrétti, Líf og heilsa

Heilbrigðisráðherra styður átak kvenna í læknastétt

Svandís Svavarsdóttir heilbrigðisráðherra styður aðgerðir kvenna í læknastétt til að uppræta kynbundið áreiti, ofbeldi og mismunun í starfi. Ráðherra hvetur konur og karla í heilbrigðisstéttum til að taka höndum saman og uppræta þennan alvarlega vanda.

13. des. 2017Félags- og húsnæðismálaráðuneytið, Málefni eldra fólks, Líf og heilsa

Uppbygging hjúkrunarrýma og aðrar umbætur í öldrunarþjónustu

Stjórnvöld stefna á stórsókn í uppbyggingu hjúkrunarrýma á næstu árum auk þess að efla heimahjúkrun og ýmsa aðra þjónustuþætti sem mikilvægir eru til að bæta þjónustu við aldraða. Svandís Svavarsdóttir heilbrigðisráðherra skrifar um þessi áform í grein í blaðagrein í dag og leggur áherslu á að samráð verði haft við notendur þjónustunnar og samtök eldra fólks.

13. des. 2017Heilbrigðisráðuneytið, Lyfjamál, Líf og heilsa

Kostir rafrænna fylgiseðla með lyfjum til skoðunar

Lyfjastofnun Evrópu er með til skoðunar hvernig nota megi rafrænar leiðir til að miðla upplýsingum um lyf til sjúklinga á öruggan hátt. Á norrænum vettvangi er rætt um að Norðurlandaþjóðirnar sækist sameiginlega eftir því að fá reglum Evrópusambandsins breytt þannig að heimilt verði að selja lyf með rafrænum fylgiseðlum.

12. des. 2017Heilbrigðisráðuneytið, Líf og heilsa

Vinnustofa um geðheilsu og vellíðan

Embætti landlæknis stóð nýlega fyrir vinnustofu í samvinnu við velferðarráðuneytið þar sem fjallað var um ýmsar hliðar geðheilbrigðismála s.s. forvarnir, nærþjónustu, stefnumótun og löggjöf á þessu sviði. Vinnustofan er liður í evrópsku samstarfsverkefnis um geðheilsu og vellíðan sem Embætti landlæknis hefur tekið þátt í á síðustu árum.

11. des. 2017Heilbrigðisráðuneytið, Líf og heilsa

Sérnám í bæklunarlækningum á Íslandi

Landspítalinn hefur hlotið viðurkenningu heilbrigðisyfirvalda til að annast sérnám í bæklunarlækningum á grundvelli reglugerðar um menntun, réttindi og skyldur lækna og skilyrði til að hljóta lækningaleyfi og sérfræðileyfi.

08. des. 2017Líf og heilsa, Heilbrigðisráðuneytið

Iðunn Garðarsdóttir aðstoðarmaður heilbrigðisráðherra

Svandís Svavarsdóttir heilbrigðisráðherra hefur ráðið Iðunni Garðarsdóttur aðstoðarmann sinn í velferðarráðuneytinu.

01. des. 2017Heilbrigðisráðuneytið, Líf og heilsa

Svandís Svavarsdóttir nýr heilbrigðisráðherra

Svandís Svavarsdóttir kom til starfa í velferðarráðuneytinu í dag sem ráðherra heilbrigðismála í ríkisstjórn Katrínar Jakobsdóttur. Svandís tekur við embættinu af Óttari Proppé.

28. nóv. 2017Félags- og húsnæðismálaráðuneytið, Málefni eldra fólks, Líf og heilsa

„Þjónusta við aldraða þarf að vera samfelld og byggjast á samvinnu“

Óttarr Proppé heilbrigðisráðherra ræddi um öldrunarmál og eflingu öldrunarþjónustu í víðu samhengi þegar hann ávarpaði ráðstefnu Sjómannadagsráðs um Lífsgæði aldraðra 21. nóvember síðastliðinn.

23. nóv. 2017Heilbrigðisráðuneytið, Líf og heilsa

Starfshópur um seinkun klukkunnar

Óttarr Proppé heilbrigðisráðherra hefur skipað starfshóp til að kanna ávinning fyrir lýðheilsu og vellíðan landsmanna af því að leiðrétta klukkuna hér á landi til samræmis við gang sólar.

23. nóv. 2017Heilbrigðisráðuneytið, Heilbrigðismál, Líf og heilsa

Heilsugæsla höfuðborgarsvæðisins leiðir faglega þróun

Heilbrigðisráðherra hefur staðfest breytingu á reglugerð um heilsugæslustöðvar sem felur í sér að Heilsugæslu höfuðborgarsvæðisins er falið að leiða faglega þróun innan heilsugæslu á landsvísu.

22. nóv. 2017Líf og heilsa, Heilbrigðisráðuneytið

Fyrsta skóflustunga að hjúkrunarheimili við Sléttuveg

Heilbrigðisráðherra, borgarstjórinn í Reykjavík og fyrrum formaður Sjómannadagsráðs tóku í dag fyrstu skóflustunguna að nýju 99 rýma hjúkrunarheimili sem reist verður við Sléttuveg í Reykjavík.

13. nóv. 2017Heilbrigðisráðuneytið, Heilbrigðismál, Líf og heilsa

Skýrsla OECD; Health at a Glance 2017, er komin út

Í skýrslunni er m.a. fjallað um heilbrigðisástand aðildarríkja stofnunarinnar, aðgengi að heilbrigðisþjónustu, gæði, útgjöld, mannafla, lyfjamál, öldrun, ýmsa áhrifaþætti heilbrigðis og fleira.

27. okt. 2017Félags- og húsnæðismálaráðuneytið, Málefni eldra fólks, Líf og heilsa

Úthlutað úr Framkvæmdasjóði aldraðra

Óttarr Proppé heilbrigðisráðherra hefur úthlutað um 170 milljónum króna úr Framkvæmdasjóði aldraðra, í samræmi við tillögu stjórnar sjóðsins, til verkefna sem ætlað er að bætta aðbúnað aldraðra og auka öryggi og gæði öldrunarþjónustu.

26. okt. 2017Heilbrigðisráðuneytið, Líf og heilsa

Heimahjúkrun á höfuðborgarsvæðinu efld með 250 m.kr. fjárframlagi

Heilbrigðisráðherra hefur ákveðið að ráðstafa 250 milljónum króna af safnlið heilsugæslustöðva til að efla heimahjúkrun á höfuðborgarsvæðinu. Markmiðið er að auka öryggi fólks sem býr heima og draga úr þörf fyrir stofnanavistun og aðra heilbrigðisþjónustu.

24. okt. 2017Félags- og húsnæðismálaráðuneytið, Málefni eldra fólks, Líf og heilsa

Niðurstöður hönnunarsamkeppni um hjúkrunarheimili í Árborg

Úrslit samkeppni um hönnun nýs hjúkrunarheimilis í Árborg voru kynntar formlega við athöfn á Selfossi í dag. Við sama tækifæri undirrituðu heilbrigðisráðherra og framkvæmdastjóri Árborgar samkomulag um stækkun heimilisins sem nemur tíu hjúkrunarrýmum.

24. okt. 2017Heilbrigðisráðuneytið, Líf og heilsa

Rekstur sjúkrahótels á lóð Landspítala

Heilbrigðisráðherra hefur ákveðið að fela Landspítala ábyrgð á rekstri nýs 70 rýma sjúkrahótels á lóð spítalans við Hringbraut.

23. okt. 2017Heilbrigðisráðuneytið, Lyfjamál, Líf og heilsa, Norrænt samstarf

Norræn samvinna um lyfjamál

Efnt hefur verið til samstarfs fjögurra norrænna þjóða um lyfjamál. Þau lönd sem nú þegar taka þátt í starfinu eru Danmörk, Ísland, Noregur og Svíþjóð. Ætlunin er að kanna meðal annars möguleika á sameiginlegu útboði við lyfjainnkaup í því skyni að lækka innkaupsverð lyfja.

19. okt. 2017Heilbrigðisráðuneytið, Líf og heilsa

Mönnun, menntun og starfsumhverfi hjúkrunarfræðinga

Ríkisendurskoðun telur mikilvægt að hraða nýliðun hjúkrunarfræðinga til að bregðast við skorti á hjúkrunarfræðingum innan íslensks heilbrigðiskerfis. Þetta kemur fram í nýrri stjórnsýsluúttekt stofnunarinnar.

17. okt. 2017Heilbrigðisráðuneytið, Líf og heilsa, Félags- og fjölskyldumál

Félags- og jafnréttismálaráðherra styrkir þjónustu við þolendur ofbeldis

Félags- og jafnréttismálaráðherra hefur veitt Landspítalanum og Sjúkrahúsinu á Akureyri samtals 15 milljónir króna til að fjármagna stöður sálfræðinga sem sinna þjónustu við þolendur ofbeldis.

03. okt. 2017Heilbrigðisráðuneytið, Heilbrigðismál, Lýðheilsa og forvarnir, Líf og heilsa

Heilsa og líðan Íslendinga könnuð í fjórða sinn

Embætti landlæknis stendur nú fyrir viðamikilli rannsókn á heilsu og líðan landsmanna. Þetta er í fjórða sinn sem þessi rannsókn er gerð. Leitað verður til tíu þúsund Íslendinga á næstu dögum og þeir beðnir um að svara spurningalista um heilsu og líðan sína.

27. sep. 2017Heilbrigðisráðuneytið, Lýðheilsa og forvarnir, Líf og heilsa

Styrkir úr lýðheilsusjóði auglýstir til umsóknar

Óskað er eftir umsóknum um styrki úr lýðheilsusjóði til heilsueflingar og forvarna á sviði geðræktar, næringar, hreyfingar og tannverndar auk áfengis-, vímu- og tóbaksvarna. Umsóknarfrestur er til 1. nóvember næstkomandi.

21. sep. 2017Heilbrigðisráðuneytið, Líf og heilsa, Lyfjamál, Almannaöryggi

Vaxandi sýklalyfjanotkun fólks hér á landi

Sýklalyfjanotkun fólks hér á landi jókst um 5% árið 2016 frá fyrra ári samkvæmt nýrri skýrslu sóttvarnalæknis. Sýklalyfjaónæmi er enn fremur lágt á Íslandi en hefur þó aukist. Sýklalyfjanotkun í dýrum er með því sem minnst þekkist í Evrópu.

21. sep. 2017Heilbrigðisráðuneytið, Lyfjamál, Líf og heilsa, Almannaöryggi

WHO: Varað við sýklalyfjaþurrð á heimsvísu

Varað er við því í nýrri skýrslu Alþjóðaheilbrigðismálastofnunarinnar (WHO) að heimurinn geti orðið uppiskroppa með sýklalyf þar sem allt of litlum fjármunum sé varið í rannsóknir og þróun á nýjum sýklalyfjum til að mæta vaxandi vanda vegna sýklalyfjaónæmra baktería.

20. sep. 2017Heilbrigðisráðuneytið, Líf og heilsa, Heilbrigðismál, Lýðheilsa og forvarnir, Almannaöryggi

Þátttaka í almennum bólusetningum óviðunandi að mati sóttvarnalæknis

Þátttaka barna við 12 mánaða aldur og fjögurra ára aldur í almennum bólusetningum var töluvert lakari árið 2016 en árið á undan samkvæmt nýrri skýrslu sóttvarnalæknis. Minnki þátttakan enn frekar telur hann líkur á að hér geri vart við sig sjúkdómar sem ekki hafa sést um árabil.

20. sep. 2017Heilbrigðisráðuneytið, Heilbrigðismál, Líf og heilsa

Drög að reglugerð um skipulag vísindarannsókna á heilbrigðissviði til umsagnar

Velferðarráðuneytið birtir hér með til umsagnar drög að nýrri reglugerð um skipulag vísindarannsókna á heilbrigðissviði. Frestur til að skila umsögnum er til 20. október nk. Markmið reglugerðarinnar er að tryggja að siðfræðileg og vísindaleg sjónarmið séu höfð í heiðri og persónuverndar gætt við framkvæmd slíkra rannsókna.

20. sep. 2017Heilbrigðisráðuneytið, Lýðheilsa og forvarnir, Lyfjamál, Líf og heilsa

Góður árangur meðferðarátaks gegn lifrarbólgu C - Næstu skref

Um 600 einstaklingar hafa þegið lyfjameðferð vegna lifrarbólgu C hér á landi frá því að opinbert átak til þriggja ára gegn sjúkdómnum hófst í árbyrjun 2016. Þetta eru um 70-80% þeirra sem taldir eru smitaðir hér á landi. Um 95% þeirra sem ljúka meðferð læknast.

13. sep. 2017Heilbrigðisráðuneytið, Heilbrigðismál, Líf og heilsa

Heilbrigðismál: Bætt aðgengi að þjónustu forgangsverkefni

Fjárlagafrumvarpið endurspeglar stefnu stjórnvalda í heilbrigðismálum með áherslu á uppbyggingu Nýs Landspítala, eflingu geðheilbrigðisþjónustu, bætt aðgengi að grunnþjónustunni og verkefni sem miða að því að styrkja lýðheilsu segir Óttarr Proppé heilbrigðisráðherra.

12. sep. 2017Heilbrigðisráðuneytið, Heilbrigðismál, Líf og heilsa

Stóraukið fé til uppbyggingar Nýs Landspítala og innviðir styrktir

Framlög til byggingar nýs Landspítala verða aukin um 1,5 milljarða króna á næsta ári umfram það sem ráðgert var í fjármálaáætlun ríkisins. Heildarútgjöld til heilbrigðismála árið 2018 verða tæpir 208 milljarðar króna sem er 13,5 milljarða króna aukning frá fyrra ári eða 6,9%.

08. sep. 2017Heilbrigðisráðuneytið, Heilbrigðismál, Líf og heilsa

Skýrsla landlæknis um tíðni aðgerða í einkarekinni þjónustu

Embætti landlæknis hefur rannsakað tíðni tiltekinna aðgerða í einkarekinni heilbrigðisþjónustu undanfarin tíu ár og eru niðurstöður þeirrar könnunar birtar í nýrri skýrslu embættisins. Að mati embættisins leiða niðurstöðurnar í ljós vísbendingar um oflækningar í heilbrigðisþjónustunni.

31. ágú. 2017Heilbrigðisráðuneytið, Heilbrigðismál, Líf og heilsa, Utanríkismál, Norrænt samstarf

Fundur vestnorrænna heilbrigðisráðherra í Nuuk

Heilbrigðisráðherrar Færeyja, Grænlands og Íslands hittust í Nuuk á Grænlandi dagana 29. og 30. ágúst á reglubundnum fundi heilbrigðisherra þessara landa.

21. ágú. 2017Heilbrigðisráðuneytið, Heilbrigðismál, Líf og heilsa

Fyrirkomulag þjónustu við fólk með heyrnar- og talmein til skoðunar

Óttarr Proppé heilbrigðisráðherra hefur skipað starfshóp til að fara yfir fyrirkomulag þjónustu við fólk með heyrnarskerðingu og talmein, skoða hvort og hvernig megi bæta hana og gera tillögu að skipulagi þjónustunnar til framtíðar.