Efnisorð
Tegund

Leita eftir efnisorðum

Sýnir 2601–2650 af 3245
Raða eftir:
25. sep. 2019Utanríkisráðuneytið, Þróunarsamvinna, Skólar GRÓ, Utanríkismál

Háskólar Sameinuðu þjóðanna verði Þekkingarmiðstöð þróunarlanda

Þekkingarmiðstöð þróunarlanda (International Centre for Capacity Development) verður nýtt yfirheiti skólanna fjögurra sem hafa um langt árabil verið starfræktir sem skólar Háskóla Sameinuðu þjóðanna hér á landi. Frá og með næstu áramótum bendir allt til þess að skólarnir starfi undir regnhlíf Menningarmálastofnunar Sameinuðu þjóðanna (UNESCO) en samningaviðræður milli UNESCO og utanríkisráðuneytisins eru á lokastigi. Áformað er að setja á laggirnar miðstöð á vegum ráðuneytisins sem eigi í samstarfi við og starfi undir merkjum UNESCO, líkt og Vigdísarstofnun - alþjóðleg miðstöð tungumála og menningar.

20. sep. 2019Utanríkisráðuneytið, Annað, Föstudagspóstur

Föstudagspósturinn 20. september 2019

Það er kominn föstudagur sem þýðir að langþráður föstudagspóstur er loksins kominn! Rennum yfir það helsta sem á daga okkar hefur drifið að undanförnu, bæði hér heima og í sendiskrifstofunum. Af nógu er að taka. Í þessari viku bar hæst ferð utanríkisráðherra til Washington DC þar sem hann fundaði með þingmönnum öldunga- og fulltrúadeildar Bandaríkjaþings með það að markmiði að efla tengslin á sviði efnahags- og viðskiptamála og kynna stefnu Íslands í málefnum norðurslóða.

12. sep. 2019Utanríkisráðuneytið, Norðurslóðir

Vinnuhópur Norðurskautsráðsins um sjálfbæra þróun samþykkir verkefni um bláa lífhagkerfið og sjálfbærar orkulausnir á Norðurslóðum

Um sjötíu embættismenn frá öllum átta ríkjum Norðurskautsráðsins, fulltrúar frá frumbyggjasamtökum af svæðinu og áheyrnaraðilum, sóttu fund vinnuhóps ráðsins um sjálfbæra þróun (SDWG) sem fram fór á Ísafirði dagana 10.-12. september. Jafnframt naut fundurinn þess að öflug þátttaka var af hálfu fulltrúa ungs fólks sem boðið var til fundarins til að ræða niðurstöður ráðstefnunnar „Velferð, styrkur og samfélagsleg þátttaka ungmenna á norðurslóðum“ sem haldin var í Reykjavík daginn áður. Ísland veitir vinnuhópnum um sjálfbæra þróun formennsku samhliða formennsku landsins í Norðurskautsráðinu.

11. sep. 2019Utanríkisráðuneytið

Fundur utanríkisráðherra Norðurlandanna í Borgarnesi

Í dag hófust fundir utanríkisráðherra Norðurlandanna og Eystrasaltsríkjanna sem fram fara í Borgarnesi í dag og á morgun, 11.-12. september. Guðlaugur Þór Þórðarson utanríkisráðherra býður til fundanna þar sem Ísland gegnir nú formennsku í utanríkismálasamstarfi ríkjanna. Sameiginlegum fundi norrænu ráðherranna lauk nú síðdegis en auk þess áttu ráðherrarnir tvíhliða fundi sín á milli.

10. sep. 2019Utanríkisráðuneytið

Vaxandi samskipti Íslands og Indlands

Guðlaugur Þór utanrikisráðherra og Anumula Gitesh Sarma, skrifstofustjóri Evrópumála í utanríkisráðuneyti Indlands, undirrituðu í dag samning um gagnkvæmt áritunarfrelsi fyrir handhafa diplómatískra vegabréfa og þjónustuvegabréfa. Samningurinn var undirritaður á Bessastöðum í tilefni af opinberri heimsókn forseta Indlands. Síðdegis hitti Guðlaugur Þór viðskiptasendinefnd frá Indlandi sem kom hingað til lands með forsetanum.

09. sep. 2019Umhverfis-٫ orku- og loftslagsráðuneytið, Alþjóðasamningar, Loftslagsmál, Umhverfi og náttúruvernd, Utanríkisráðuneytið

Endurheimt landgæða einn stærsti þátturinn í baráttunni við loftslagsvána - Viljayfirlýsing undirrituð

Guðmundur Ingi Guðbrandsson, umhverfis- og auðlindaráðherra og Inger Andersen, framkvæmdastjóri Umhverfisstofnunar Sameinuðu þjóðanna (UNEP) undirrituðu í gær viljayfirlýsingu Íslands og UNEP um samstarf á sviði landgræðslu. Guðmundur Ingi er staddur á aðildarríkjaþingi Eyðimerkursamnings Sameinuðu þjóðanna (UNCCD) í Nýju Delí á Indlandi þar sem ráðherrahluti þingsins hófst í dag.

06. sep. 2019Utanríkisráðuneytið, Annað, Föstudagspóstur

Föstudagspósturinn 6. september 2019

Rúmur mánuður er liðinn frá síðasta föstudagspósti og því af nógu að taka. Dýfum okkur ofan í það helsta. Viðburðarík vika er nú að baki, svo ekki sé meira sagt, en hæst ber auðvitað að nefna komu varaforseta Bandaríkjanna, Mike Pence, til landsins. Utanríkisráðherra tók á móti varaforsetanum í Höfða síðastliðinn miðvikudag þar sem þeir leiddu hringborðsumræður um samstarf á sviði efnahags- og viðskiptamála. Pence ræddi einnig við forseta Íslands í Höfða og forsætisráðherra í Keflavík síðar sama dag. Heimsóknin vakti töluverða athygli í fjölmiðlum og þá helst þær miklu öryggisráðstafanir sem gerðar voru vegna hennar.

21. ágú. 2019Utanríkisráðuneytið, Norðurslóðir, Norrænt samstarf, Utanríkisviðskipti, Utanríkismál

Utanríkisráðherra heimsækir Grænland

Guðlaugur Þór Þorðarson, utanríkisráðherra átti í dag fund með Ane Lone Bagger sem fer með utanríkismál í Grænlensku landsstjórninni þar sem ákveðið var að efla til reglulegs samráðs milli landanna. Hann er staddur í vinnuheimsókn á Grænlandi til að kynna sér starfsemi ýmissa fyrirtækja og sveitarfélaga en þónokkuð er um íslenskar fjárfestingar í þessum hluta landsins.

19. ágú. 2019Utanríkisráðuneytið, Umhverfi og náttúruvernd, Mannréttindi og jafnrétti

Fundir utanríkisráðherra með Mary Robinson og Kumi Naidoo, aðalframkvæmdastjóra Amnesty International

Guðlaugur Þór Þórðarson utanríkisráðherra átti í morgun fundi með þeim Mary Robinson, fyrrverandi forseta Írlands og Kumi Naidoo, aðalframkvæmdastjóra mannréttindasamtakanna Amnesty International, sem bæði eru stödd hér á landi. Loftslagsmál og mannréttindi voru þar aðalumræðuefnin.

02. ágú. 2019Utanríkisráðuneytið, Annað, Föstudagspóstur

Föstudagspósturinn 2. ágúst 2019

Heil og sæl. Sumarleyfistíminn stendur nú sem hæst og því hefur oft verið meira að frétta úr okkar ástkæru utanríkisþjónustu en akkúrat núna. Þó má tína sitthvað til og hnoða úr því ofurlítinn föstudagspóst. Í gær tóku gildi flutningar á forstöðumönnum sendiskrifstofa í utanríkisþjónustunni. Með breytingunum eru konur nú í meirihluta forstöðumanna í tvíhliða sendiráðum Íslands í fyrsta sinn.

15. júl. 2019Utanríkisráðuneytið, Annað, Þróunarsamvinna, Sameinuðu þjóðirnar

Ungmenni í forgrunni á fundi um heimsmarkmiðin

Ísland kynnir á morgun stöðu innleiðingar heimsmarkmiða Sameinuðu þjóðanna um sjálfbæra þróun á árlegum ráðherrafundi í New York. Katrín Jakobsdóttir forsætisráðherra flytur þá ávarp fyrir Íslands hönd, en auk þess ávarpa tveir fulltrúar úr ungmennaráði heimsmarkmiðanna fundinn, þau Kristbjörg Mekkín Helgadóttir og Sigurður Einarsson Mäntylä.

11. júl. 2019Utanríkisráðuneytið, Utanríkismál, Mannréttindi, Mannréttindi og jafnrétti

Ályktun Íslands um mannréttindaástand á Filippseyjum samþykkt

Mannréttindaráð Sameinuðu þjóðanna samþykkti í dag ályktun sem Ísland hafði lagt fram í ráðinu um stöðu mannréttindamála á Filippseyjum. Með samþykkt ályktunarinnar lýsir mannréttindaráðið formlega yfir áhyggjum af ástandinu á Filippseyjum, hvetur stjórnvöld í landinu til að stöðva aftökur á fólki án dóms og laga og draga þá til ábyrgðar sem hafa staðið fyrir slíku.

09. júl. 2019Forsætisráðuneytið, Efnahagsmál og opinber fjármál, Heilbrigðisráðuneytið, Félags- og húsnæðismálaráðuneytið, Dómsmálaráðuneytið, Fjármála- og efnahagsráðuneytið, Utanríkisráðuneytið

Ársskýrslur ráðherra birtar

Ársskýrslur ráðherra eru nú gefnar út í annað sinn. Aukið gagnsæi um ráðstöfun og nýtingu fjármuna er markmiðið með skýrslunum sem er einnig ætlað að vera grundvöllur fyrir umræðu um stefnumörkun og forgangsröðun hins opinbera.

09. júl. 2019Utanríkisráðuneytið, Annað, Þróunarsamvinna

Marel og Thoregs hljóta styrki úr samstarfssjóði við atvinnulífið

Tvö verkefni sem byggja á íslensku hugviti og verkþekkingu hafa fengið styrki úr Samstarfssjóði við atvinnulíf um heimsmarkmið Sameinuðu þjóðanna. Utanríkisráðuneytið kynnti á síðasta ári nýjan samstarfssjóð við atvinnulífið um heimsmarkmiðin sem ætlaður er samstarfsverkefnum fyrirtækja. Hlutverk sjóðsins er að hvetja til þátttöku og framlags atvinnulífs til þróunarsamvinnu, með það að markmiði að stuðla að atvinnusköpun og sjálfbærum hagvexti í fátækum ríkjum. Þetta eru fyrstu styrkirnir sem veittir eru úr sjóðnum.

01. júl. 2019Utanríkisráðuneytið, Annað, Þróunarsamvinna, Alþjóðabankinn

Ísland tekur í dag sæti í stjórn Alþjóðabankans

Geir H. Haarde, fyrrverandi sendiherra Íslands í Washington, tók í dag við stöðu aðalfulltrúa kjördæmis Norðurlandanna og Eystrasaltsríkjanna hjá Alþjóðabankanum. Hann kemur til með að stýra skrifstofu kjördæmisins í höfuðstöðvum bankans í Washington um tveggja ára skeið og situr í 25 manna stjórn bankans fyrir hönd kjördæmisins. Ísland er fámennasta aðildarríki bankans sem skipar í stöðu aðalfulltrúa í stjórn hans.

27. jún. 2019Utanríkisráðuneytið, Öryggis- og varnarmál, Utanríkismál, Fastanefnd Íslands hjá NATO, Sendiskrifstofa

Afvopnunarmál og Afganistan efst á baugi á fundi varnarmálaráðherranna

Afvopnunarmál, staða og horfur í Afganistan og framlög aðildarríkja til varnarmála voru helstu umræðuefnin á fundi varnarmálaráðherra Atlantshafsbandalagsins sem lauk í Brussel í dag. Guðlaugur Þór Þórðarson utanríkisráðherra sat fundinn af hálfu Íslands en hann sótti jafnframt fund varnarmálaráðherra Norðurhópsins svonefnda þar sem viðbrögð við upplýsingaóreiðu voru ofarlega á baugi.

24. jún. 2019Utanríkisráðuneytið, Utanríkismál, Alþjóðasamningar, Brexit, Evrópusamvinna, Utanríkisviðskipti, Mannréttindi og jafnrétti

Ráðherrafundi EFTA í Liechtenstein lokið

Staða fríverslunarviðræðna, horfur í alþjóðaviðskiptum, samskiptin við Evrópusambandið og Brexit voru helstu umræðuefnin á ráðherrafundi Fríverslunarsamtaka Evrópu EFTA, sem fram fór í Liechtenstein í dag. Að frumkvæði Íslands verða ákvæði um jafnréttismál eftirleiðis hluti af samningsmódeli EFTA.

24. jún. 2019Utanríkisráðuneytið, Annað, Sameinuðu þjóðirnar

Ísland leggur fram fyrstu ályktanirnar í mannréttindaráðinu

Ísland kemur til með að halda áfram frumkvæði í gagnrýni á Filippseyjar og Sádí-Arabíu í mannréttindaráði Sameinuðu þjóðanna. Michelle Bachelet, mannréttindafulltrúi Sameinuðu þjóðanna, flutti yfirlitsræðu í morgun um stöðu mannréttinda í heiminum við upphaf fundarlotu mannréttindaráðs Sameinuðu þjóðanna en þessi lota er sú þriðja sem Ísland sækir sem kjörinn meðlimur ráðsins.

23. jún. 2019Utanríkisráðuneytið, Annað, Föstudagspóstur

Föstudagspóstur Uppló - á sunnudegi 23. júní 2019

Heil og sæl. Á þessum fagra sunnudegi er við hæfi að fara yfir það helsta sem á daga okkar hefur drifið undanfarinn hálfan mánuð. Fyrst skal nefna glænýja könnun um viðhorf landsmanna til utanríkisþjónustunnar og verkefna hennar. Þar kennir ýmissa grasa en megin niðurstaðan er þó að þorri Íslendinga er jákvæður í garð alþjóðastofnana og þátttöku Íslands í alþjóðlegu samstarfi. Það er í senn bæði ánægjulegt og hvatning fyrir okkur öll. Við hvetjum ykkur til að kynna ykkur könnunina til hlítar.

21. jún. 2019Utanríkisráðuneytið, Alþjóðamál, Evrópusamvinna, Norrænt samstarf, Öryggis- og varnarmál, Þróunarsamvinna, Utanríkisviðskipti, Utanríkismál

Íslendingar velviljaðir þátttöku í alþjóðasamstarfi

Þorri Íslendinga er jákvæður í garð alþjóðastofnana og þátttöku Íslands í alþjóðlegu samstarfi. Þetta er niðurstaða könnunar sem Maskína gerði fyrir utanríkisráðuneytið um viðhorf Íslendinga til alþjóðasamstarfs. Íslendingar eru sérstaklega jákvæðir í garð norræns samstarfs.

20. jún. 2019Forsætisráðuneytið, Heimsmarkmiðin, Dómsmálaráðuneytið, Félags- og húsnæðismálaráðuneytið, Fjármála- og efnahagsráðuneytið, Heilbrigðisráðuneytið, Mennta- og barnamálaráðuneytið, Innviðaráðuneytið, Umhverfis-٫ orku- og loftslagsráðuneytið, Utanríkisráðuneytið, Atvinnuvegaráðuneytið

Sameinuðu þjóðirnar birta landsrýniskýrslu Íslands um heimsmarkmiðin

Sameinuðu þjóðirnar hafa birt á vef sínum skýrslu íslenskra stjórnvalda um innleiðingu heimsmarkmiðanna.