Efnisorð
Tegund

Leita eftir efnisorðum

Sýnir 351–400 af 885
Raða eftir:
23. sep. 2022Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál

Rætt um góða stjórnarhætti í breytilegu umhverfi á ársfundi ríkisfyrirtækja

Góðir stjórnarhættir í síbreytilegu umhverfi voru meginefni ársfundar ríkisfyrirtækja sem fjármála- og efnahagsráðuneytið stóð fyrir í gær. Fundinn sóttu stjórnir og stjórnendur ríkisfyrirtækja og var m.a. farið yfir helstu áherslur og markmið eigandastefnu ríkisins og ný ársskýrsla ríkisfyrirtækja kynnt.

23. sep. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Fjárlög

Fjárlög 2023: Atvinnuleysi í lágmarki með kraftmikilli fjölgun starfa

Atvinnuleysi á Íslandi er lágt í sögulegu samhengi vegna kraftmikillar fjölgunar starfa að undanförnu. Þetta kom fram í kynningu Bjarna Benediktssonar, fjármála- og efnahagsráðherra, á fjárlagafrumvarpi ársins 2023 á dögunum. Ráðherra benti á að atvinnustigið hefði batnað mjög á Íslandi að undanförnu, en á einu ári hafa um 13.000 störf skapast.

21. sep. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Fjárlög

Fjárlög 2023: Söluandvirði Íslandsbanka jafnast á við alla fjárfestingu næsta árs

Í nýju frumvarpi til fjárlaga fyrir árið 2023 er gert ráð fyrir að um 100 milljörðum króna verði varið í fjárfestingar á komandi ári. Fjárfesting verður þannig áfram yfir langtímameðaltali, en stærsta einstaka byggingarframkvæmdin er bygging Nýs Landspítala, sem áætlað er að verja um 13,4 milljörðum króna til á næsta ári.

15. sep. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Upplýsingatæknimál ríkisins

Ísland tekur þátt í samevrópsku tilraunaverkefni með rafræn auðkennaveski

Samstarfshópur þeirra landa í Evrópu sem hafa hvað mesta reynslu á sviði stafrænnar auðkenningar kynnti í gær tillögu sína um að setja af stað umfangsmikið tilraunaverkefni sem samrýmist markmiðum áætlunar Framkvæmdastjórnar ESB um rafræn auðkennaveski (e. digital identity wallet).

09. sep. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Góð staða Íslands þrátt fyrir alþjóðlegan ólgusjó

Flest stærstu hagkerfi heims standa frammi fyrir verulegum áskorunum, með lakari hagvaxtarhorfum en nokkru sinni frá fjármálakreppunni 2008, að undanskildum heimsfaraldrinum 2020-2021. Þrátt fyrir þessa stöðu má vænta þess að íslenska hagkerfið standi áfram vel að vígi með kröftugum 5-6% hagvexti á þessu ári og 2-3% á því næsta. Þetta kemur fram í samantekt fjármála- og efnahagsráðuneytisins sem fjármála- og efnahagsráðherra kynnti í ríkisstjórn í dag.

28. jún. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

AGS birtir árlega skýrslu um íslenskt efnahagslíf

Árleg skýrsla Alþjóðagjaldeyrissjóðsins (AGS) um íslenskt efnahagslíf hefur verið birt. Sjóðurinn gerir reglubundnar úttektir á efnahagslífi aðildarlanda sinna á grundvelli 4. greinar stofnsáttmálans (e. Article IV Consultation). Sendinefnd frá sjóðnum var hér á landi í maí síðastliðnum til viðræðna við íslensk stjórnvöld og aðra hagaðila.

14. jún. 2022Fjármála- og efnahagsráðuneytið, Rekstur og eignir ríkisins, Efnahagsmál og opinber fjármál, Upplýsingatæknimál ríkisins

Mínar síður á Ísland.is aðgengilegar fyrirtækjum

Mínar síður á Ísland.is eru í sífelldri þróun og eru nú aðgengilegar fyrirtækjum fyrir þá sem hafa prókúru. Prókúruhafar fyrirtækja hafa sjálfkrafa aðgang með eigin rafrænum skilríkjum og geta skipt milli aðganga. Innskráning fyrirtækja byggist á nýju innskráningar- og umboðskerfi sem þýðir að prókúruhafi mun geta veitt öðrum aðgang að Mínum síðum fyrirtækisins, sé þess þörf.

09. jún. 2022Forsætisráðuneytið, Fjármála- og efnahagsráðuneytið, Innviðaráðuneytið, Efnahagsmál og opinber fjármál, Rekstur og eignir ríkisins, Fjármálaáætlun

Aðgerðir gegn þenslu og verðbólgu: Tillögur að breytingum á fjármálaáætlun lagðar fyrir fjárlaganefnd

Ríkisfjármálunum verður beitt til þess að vinna gegn þenslu og verðbólgu í hagkerfinu með breytingum á fjármálaáætlun sem fjármála- og efnahagsráðherra kynnti á fundi með fjárlaganefnd Alþingis síðdegis, fyrir síðari umræðu á Alþingi. Á fundi sínum miðvikudaginn 8. júní samþykkti ríkisstjórnin að ráðherra skyldi leggja tillögurnar fyrir nefndina.

01. jún. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Ánægja með þjónustu opinberra stofnana

Notendur þjónustu opinberra stofnana eru almennt ánægðir með þjónustuna en tækifæri eru til úrbóta. Flestir vilja geta nýtt þjónustuna með sjálfsafgreiðslu erinda á vef og þá nýta mun fleiri vefi stofnana en mæta í stofnanir til þess að fá þjónustu. Þetta kemur fram í niðurstöðum nýlegrar könnunar á þjónustu stofnana við almenning.

27. maí 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Upplýsingatæknimál ríkisins

Sjálfsafgreiðsla í greiðsludreifingu hjá innheimtumönnum ríkissjóðs

Ný sjálfsafgreiðsluþjónusta á Ísland.is gerir notendum kleift að gera greiðsluáætlun og dreifa greiðslum opinberra gjalda á þeim stað og tíma sem þeim hentar. Sem dæmi geta notendur sjálfir gert áætlanir um greiðslu flestra gjalda, svo sem skatta og önnur gjöld, undir fjármálum á Ísland.is.

13. maí 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Úkraína

Lýsti fullri samstöðu með íbúum Úkraínu á aðalfundi EBRD

Bjarni Benediktsson, fjármála- og efnahagsráðherra, ávarpaði í vikunni aðalfund Endurreisnar- og þróunarbanka Evrópu (EBRD) sem fram fór í Marrakesh. Þar lýsti hann fullri samstöðu Íslands með íbúum Úkraínu og þeirri kröfu íslenskra stjórnvalda að Rússar stöðvi tafarlaust hernaðaraðgerðir, fari á brott með herlið sitt frá Úkraínu og virði ákvörðunarrétt og sjálfstæði landsins.

11. maí 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Álit sendinefndar AGS: Jákvæðar efnahagshorfur en áfram óvissa

Íslenskt efnahagslíf hefur staðið vel af sér röð áfalla síðan 2019. Efnahagshorfur eru jákvæðar en háðar töluverðri óvissu. Vandlega samræmdar aðgerðir stjórnvalda eru nauðsynlegar til þess að festa efnahagsbatann í sessi, halda aftur af vaxandi áhættu og byggja aftur upp viðnámsþrótt í ríkisfjármálum.

06. maí 2022Fjármála- og efnahagsráðuneytið, Menningar-٫ nýsköpunar- og háskólaráðuneytið, Rekstur og eignir ríkisins, Efnahagsmál og opinber fjármál, Nýsköpun, Upplýsingatæknimál ríkisins

Græn nýsköpun í brennidepli á nýsköpunardegi hins opinbera

Nýsköpunardagur hins opinbera verður haldinn 17. maí næstkomandi. Viðburðurinn fer fram árlega og er markmiðið að hvetja til aukinnar nýsköpunar hjá hinu opinbera. Þemað í ár er græn nýsköpun og er dagskráin afar fjölbreytt. Erindi sem flutt verða snúa jafnt að nýjum tækifærum í nýsköpun, sem og reynslusögum af vel heppnuðum verkefnum.

03. maí 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Íslandsbanki

Vegna frétta um greiðslur til ráðgjafa

Vegna frétta um greiðslur fjármála- og efnahagsráðuneytis til ráðgjafa skal tekið fram að samkvæmt lögum um opinber innkaup falla kaup opinberra aðila á -„fjármálaþjónustu í tengslum við útgáfu, sölu, kaup eða aðilaskipti að verðbréfum eða öðrum sambærilegum fjármálagerningum“ ekki undir útboðsskyldu. Fréttir sem nýlega birtust um að ráðuneytið hafi brotið gegn reglum um opinber innkaup með kaupum á slíkri þjónustu eiga því ekki við rök að styðjast.

12. apr. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Fjármálaáætlun

Hækkun fasteignaverðs greind í nýrri fjármálaáætlun

Mikil hækkun fasteignaverðs frá upphafi heimsfaraldurs kórónuveiru kom greiningaraðilum á óvart en fjallað er um hækkun á fasteignaverði í efnahagskafla nýútkominnar fjármálaáætlunar fyrir árin 2023-2027. Í umfjölluninni kemur fram að í fyrra keyptu 7.000 manns sína fyrstu íbúð og hafa ekki verið fleiri frá upphafi mælinga.

29. mar. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Fjármálaáætlun

Fyrsta fjármálaáætlun ríkisstjórnarinnar kynnt: Framfarir og kraftmikil verðmætasköpun í framsæknu samfélagi

Staða íslenskra heimila og fyrirtækja er sterk og skuldahorfur hins opinbera hafa stórbatnað. Með hóflegum útgjaldavexti og áframhaldandi sókn í vaxandi útflutningsgreinum eru tækifæri til að treysta grunninn á ný og stuðla að enn sterkara samfélagi.Áfram verður staðinn vörður um velferðina og fjárfest í félagslegum innviðum. Þetta kemur fram í fjármálaáætlun ríkisstjórnarinnar fyrir árin 2023-2027 sem kynnt er í dag.

23. mar. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins

Innleiðingu á Evrópugerðum sem varða málshöfðun ESA lýkur um mitt þetta ár

Eftirlitsstofnun EFTA hefur ákveðið að höfða mál gegn Íslandi vegna tafa á innleiðingu í landsrétt á 37 Evrópugerðum á sviði fjármálaþjónustu. Um er að ræða 22 gerðir á sviði verðbréfamarkaðsréttar, 14 gerðir á sviði bankamarkaðar og eina gerð sem fellur undir regluverk um skilameðferð banka.

22. mar. 2022Fjármála- og efnahagsráðuneytið, Efnahagsmál og opinber fjármál, Rekstur og eignir ríkisins, Loftslagsmál, Umhverfi og náttúruvernd

Drög að frumvarpi um verulega fjölgun rafmagnsbíla sem fá VSK-ívilnun birt í samráðsgátt

Drög að frumvarpi um verulega fjölgun rafmagnsbíla sem fá VSK-ívilnun birt í samráðsgátt Lagt er til að fjölga rafmagnsbílum sem geta fengið ívilnun í formi niðurfellingar VSK úr 15.000 í 20.000 með frumvarpi sem nú hefur verið lagt fram í samráðsgátt stjórnvalda. Ívilnanir hafa nú verið nýttar fyrir um 12.300 bíla og útlit fyrir að fjöldatakmörkun náist að óbreyttu síðar á árinu.