Landsáætlun gegn kynbundnu ofbeldi gagnvart konum 2026-2030
Landsáætlun gegn kynbundnu ofbeldi gagnvart konum 2026-2030 var birt í apríl 2026. Landsáætlunin tekur mið af samningi Evrópuráðsins um forvarnir og baráttu gegn ofbeldi á konum og heimilisofbeldi (Istanbúlsamningurinn) og er sett fram með það að markmiði að vinna með heildstæðum hætti að aðgerðum gegn kynbundnu ofbeldi gagnvart konum á Íslandi. Áætluninni er einkum ætlað að tryggja skýra yfirsýn yfir úrræði og þjónustu, bætta samræmingu gagnaöflunar og tölfræðiupplýsinga, samhæfingu og samfelldara verklag þvert á kerfi, bætta eftirfylgni og betri nýtingu fjármuna.
Mælaborðið sýnir framgang aðgerða á myndrænan hátt. Litaval byggist á huglægu og hlutlægu mati á stöðu aðgerðanna og er unnin í samstarfi við þau ráðuneyti sem bera ábyrgð á framkvæmd einstakra aðgerða. Mælaborðið er uppfært tvisvar á ári.